Prizren, 27 tetor 2017: Neutraliteti politikë apo ai zgjedhor parimor ka kuptim kur vërtetë nuk duam të jemi ndikues në një temë të caktuar politike, ngase mund të kemi rezervat / dyshimet tona për temën në fjalë. Ky ‘neutralitet’ ka kuptim edhe për kandidatët të cilët votohen, por që nuk janë të dallueshëm njëri nga tjetëri, për sa i përket ofertës zgjedhore dhe të njejtit nuk janë në shërbim të interesimeve qytetare.
Në rastin konkret në Prizren nuk ekziston një situatë e tillë zgjedhore, ngase kemi një kandidat i cili kërkon vazhdimësinë qeverisëse të PDK-së, duke pretenduar se kanë qeverisur mirë për një dekad, dhe një kandidat tjetër i cili pretendon se ka një ofertë zgjedhore më ndryshe për qytetarët e Komunës së Prizrenit (LV).
Rrjedhimisht partitë politike të cilat nuk janë në balotazh (LDK, NISMA dhe AAK) për të qenë korrekte dhe parimore me votuesit e tyre potencial, do të duhej të shprehen publikisht (bile edhe me marrëveshje formale) se cilin kandidat do ta mbështesin në balotazhin e 19 nëntorit…
