TRUMPI, NJERIU I PAQЁNDRUESHЁM MENDOR!
Nga Dr.Mathieu Aref, Paris 2 mars 2025
Trump: vazhdim dhe fund. Le të kalojmë nga qëndrimi për një personazh të tillë. Për shkak të seriozitetit të ngjarjes ishte e nevojshme të flitej për të, pikë.
Kush krijoi SHBA: EVROPA. Sot është një pikë kthese në historinë e SHBA dhe Planetit tonë dhe ne po shkojmë drejt pasigurisë dhe rrëmujës për shkak të një njeriu të paqëndrueshëm mendor, mosmirënjohës, jobesnik, të ndryshueshëm, kostumi i vetëm i të cilit e bën atë president. Votuesit amerikanë nuk e zgjodhën sepse ai është më i miri, më inteligjenti apo më i afti, ata e lanë veten të pushtohen nga iluzionet e Trumpit, i cili u premtoi atyre “paqe” në gjithë botën për të shmangur një luftë të tretë botërore (!) dhe për popullin ai premtoi “prosperitet, zhdukjen e emigracionit dhe pasigurisë në SHBA”.
Ai i mahniti Amerikanët me parullat e tij, gjestet e tij mashtruese, pafytyrësinë e tij, gojën e tij të madhe e kështu me radhë. Të mos harrojmë se në zgjedhjet e vitit 2024 ai mori vetëm 51.5% të «elektorëve të mëdhejnë» (nga 538 elektorë ai mori 277 = 51.5%). Meqenëse jemi në zgjedhje, të mos harrojmë sesi Trump, për të fituar zgjedhjet kundër Joe Biden, përdori të njëjtën dredhi si në biznesin e tij të pronave të pasurisë të paluajtshme (Real Estate!): gjatë gjithë këtyre zgjedhjeve ai e poshtëroi Biden, e denigroi dhe tallej me të (duke e imituar si klloun, etj.!). Është e turpshme sepse ai madje u sollë shumë keq «edhe» me Zelenskin dhe e nxori jashtë si qen! Kjo nuk ka ndodhur kurrë në botën politike!
Së fundi, ai është president i një prej demokracive më të mëdha në Botë dhe sillet si autokrat, mafioz, madje edhe despot, duke dashur t’i imponojë të gjithëve atë që do. Madje ai ka nerva të akuzojë Zelenskin si “diktator” (?!) ndërkohë që Ukraina është në kthetrat e një lufte të nisur dhe të imponuar nga Putini (një diktator i dëshmuar, ai) dhe Zelensky nuk do një “manu militari paqeje të imponuar” nga Trump dhe Putin! Kjo a do të thotë të jesh diktator? Jo! Trump shkon nga gafa në gafë, nga tmerri në tmerr (për të mos thënë diçka tjetër) dhe ai dëshiron t’u imponojë të gjithëve katër dëshirat e tij:
• Ai ka qëllime koloniale në Grenlandë, Kanada, Kanalin e Panamasë, tokat të pasura me minerale të veçanta në Ukrainë dhe nesër…çfarëdo tjetër !?
• Ai e braktis Evropën për të bashkëpunuar me Putinin (një veten tjetër…i cili u bë, çuditërisht, një mik i «shtrenjtë»!) për të fituar supremacinë hegjemoniste në botë dhe për të izoluar Rusinë nga Kina. Kjo e fundit është kthyer në obsesionin e tij kryesor…natën nuk e zë gjumi.
• Në Evropë ai e lë të hapur derën për një të ardhme të paparashikueshme, shqetësuese dhe vërtet të rrezikshme, sepse pa ombrellën amerikane vendet e tjera në botë dhe veçanërisht në Evropë (Serbia, një mike e ngushtë e rusëve, rrezikon të ripushtojë sërish Kosovën apo edhe të shtyjë më tej drejt Shqipërisë dhe të ketë një dalje në Adriatik).
• Trump do të ketë sy vetëm për të qarë kur oktapodi rus të pushtojë Moldavinë, vendet baltike (objektivi i tij i parë…pastaj…). Ai nuk e parashikoi shkeljen e kontratës (një ditë jo të largët) mes tij dhe rusëve: dhe aty do të ndodhte, në fund të fundit, ajo që Putini dhe Trumpi nuk ndalën për të thënë « Lufta e Tretë Botërore ».
• Kjo është katastrofa drejt së cilës Trump po na çon me idetë e tij të egra, gabimet dhe synimet e tij hegjemoniste.
• Së fundi, ai do t’i ketë bërë EVROPËS NJË SHËRBIM TË MADH duke e zgjuar atë nga letargjia e saj endemike. Evropa shpejt (DUHET) të riarmatoset dhe të bashkojë komandat ushtarake për t’u përballur me një pushtim të dytë të Ukrainës dhe disa vendeve të tjera evropiane apo edhe…kush e di… vende të tjera.
Dhe kështu me radhë sepse unë kam gjëra të tjera për të bërë përveçse të kujdesem për një personazh të tillë që për fat të keq udhëheq Amerikën. Uashingtoni, Roosevelti dhe presidente të tjerë të mëdhenj dhe të denjë amerikanë do të lëviznin në varret e tyre.
—————–
HISTORIANЁT E MANIPULUAR, „ILIRO – SHQIPTARЁT“ E FAMSHЁM JASHTЁ ATDHEUT DHE BOTA BIZANTINE!
