Zvicër, 10 prill 2018: Janë të rrallë artistët – valltarët, të cilët personifikohen, aq bukur me vallen origjinale shqipe. Një ndër më të suksesshmit është padyshim artisti i mirënjohur shqiptar Agron Bajrami. Një motiv i këtillë më frymëzoi të shkruaj këto vargje, me titull “Vallja jote e bukur”.
Vallja jote e bukur!
• Agron Bajramit
Dora n`fluturim
Qiellin përshëndetë,
Vallja jote e bukur
Neve na dha jetë.
Lëvizjet e dorës
Janë për ne frymëzim,
Vallja jote e bukur
Është derdhë n`pikëllim.
Dhe një natë e gjallë
e ndali vallen rëndë
hapërimi drejt diellit
kaloi thjeshtë në këngë.
Në dallgën e valles
Kujtimet rrinë si retë
Kjo valle e bukur
S`mund të qëndroj e zbehtë.
Një plis mbi dhe
Emrin ta lartëson
Një këngë e heshtur
Vallja jote vazhdon.
Vallja jote vazhdon
Po sa njëmijë fjalë,
Është rrëfim me vete
Është një këngë e rrallë.
