Pashtriku.org, 29 tetor 2018: Monumenti i Gjergj Kastriotit Skënderbeut në qendër të qytetit të Krujës. Është vepër e skulptorit të mirënjohur Janaq Paço, e përuruar më 28 nëntor 1959. Kjo është shtatorja e parë e këtij lloji e ngritur në Shqipëri. Shtatorja e dytë e Skënderbeut është ngritur në qendër të Tiranës më 1968, (me rastin e 500 vjetorit të vdekjes së heroit tonë kombëtar) dhe është vepër e punuar nga Odhise Paskali në bashkëpunim me Andrea Manon dhe Janaq Paçon. Shtatorja e tretë e punuar po nga Janaq Paço, në vitin 2001 është ngritur në Prishtinë, ndërkaq Shtatorja e katërt e punuar nga skulptori Thoma Thomai, u ngrit në Shkup më 28 nëntor 2006…
