Viti, 29 janar 2020: Popullin shqiptar, fatkeqësisht prej se është formuar si popull, e kanë ndjekur pamëshirshëm shpërnguljet, pra arratisja nga vendi i lindjes.
Kësaj here nuk do të flasim me shifra dhe data konkrete të të shpërgulurve, por do të themi vetëm dëmet e pariparueshme nga një e keqe që po i ndodh historikisht kombit tonë.
Fenomenin e braktisjes së atdheut të shqiptarëve e kanë shkaktuar dy faktorë: faktori i jashtëm, i pari dhe faktori i brendshëm, i dyti.
Besoj se jam i kuptueshëm kë e quaj të jashtëm e kë të brendshëm.
Faktori i jashtëm ka shkaktuar shpërnguljen më masive të shqiptarëve, krejt e kuptueshme kjo. Nga pushtuesit e tokave shqiptare nuk mund të presësh edhe trajtim më të mirë dhe dinjitoz. Ai nënkupton dhunë, vrasje, plaçkitje dhe dëbim nga vendi.
Këtë fat e patën shqiptarët që nga pushtimi i tokave tona nga Perandoria Osmane, pas vdekjes së Skënderbeur. Shpërngulja e shqiptarëve, e njohur historikisht si arbëreshët, ka qenë me pasoja jashtëzakonisht të mëdha. Pasoja këto që do të kenë ndikim edhe në migrimet e mëvonshme. Vala e dytë e madhe e shpërnguljeve është ajo e viteve 1877/8, kur një krahinë e madhe e njohur si Toplica ngjau kur shteti serb e shfrytëzoi dobësimin e Perandorisë Osmane dhe pa organizimin shqiptar.
Jo më pak të dhimbshme janë shpërnguljet e dhunshme të shekujve XIX dhe XX.
Të gjitha këto të shkaktuara nga fqinjët e shqiptarëve serbët, grekët dhe malazezët, paraqesin faktorin e jashtëm e të dhunshëm të shpêrnguljeve shqiptare.
Faktorin e brendshëm,jo më pak të dhimshëm, e përbëjnë dy shtetet shqiptare në Ballkan, Shqipëria dhe Kosova.
Valën e shpënguljeve nga Shqipëria e ndërpreu plotësisht vetëm periudha e udhëheqjes komuniste të vendit, 1944-1990. Me ndyshimet e sistemit në Shqipëri, apo më mirë thënë, me fillimet e ndryshimeve shoqërore nga 1990 filloi dhe nuk ka të ndalur ikja e shqiptarëve nga Shqipëria,siç ndodhi dhe po vazhdon pa nêrprerë ikja e shqiptarëve nga Kosova që nga çlirimi i saj më 1999. Shpërngulja e shqiptarëve nga Maqedonia,Mali i Zi dhe Lugina e Preshevês,vazhdon pandërprerë. Madje ikja e shqiptarëve nga këto vise,që paraqesin faktorin e jashtëm,në disa vende të caktuara si Lugina e Preshevës dhe pjesë në Mal të Zi,sipas trendeve së shpejti do të mbeten pa shqiptarë.
Migrimi i shqiptarëve nga Shqipëria dhe Kosova, kur tani këto janë të lira, është po aq plagë e dhimbshme sa plagët e shkaktuara nga faktori i jashtëm. Migrimi nga shtetet shqiptare ka një adresë dhe një emër,faktori ekonomik dhe shtetet e pakonsoliduara dhe kequdhëheqja!
Një ditë,uroj që ajo të mos jetë larg, udhëheqjet e këtyre dy vendeve,ajo e Shqipërisë prej 1990 dhe e Kosovës prej 1999-es, duhet t’i japin llogari kombit pêr këtë zbrazje me fajin e tyre.
Postime të Lidhura
PASHTRIKU: NË KORISHË TË PRIZRENIT KRYETAR I PDK-së U ZGJODH FEIM KABASHI, KUMBARI I KOMANDANTIT TË POLICISË SERBE – ZORAN NIKOLIÇ, VRASËSI I DËSHMORIT BESIM NDRECAJ!
(Pashtriku.org, 15. 12. 2012) – Zgjedhjet e brendshme në Partinë Demokratike të Kosovës po përcillen me shumë parregullësi…
KOSOVA SI PLAÇKË PAZARI!
KOSOVA SI PLAÇKË PAZARI! Nga Sheradin Berisha, facebook, më 22 shtator 2023 “S’mundet një vend me 1.5 milionë…
SHERADIN BERISHA: ‘DJALLI ME BRIRË’ PO BËHET I PAMËSHIRË!
Pashtriku, 2 tetor 2019: Kadri Veseli ky ‘Djalli me brirë’ në fushatë po bëhet i pamëshirë, sepse turmës…
A DO HETOHET ILIR META … ?
A DO HETOHET ILIR META … ? A do hetohet Ilir Meta si një peshk i madh për…