Pesë vjet më parë
Reagim ndaj Qeverisë së Republikës së Kosovës, e cila mbajti një minut heshtje për vrasjen e kriminelit Oliver Ivanoviq
KUSH ISHTE OLIVER IVANOVIQI SIPAS DOSJES SEKRETE TË NATO-s?!
Nga Sheradin Berisha, Facebook 23.01.2018
Më 22 janar 2018 Qeveria e Kosovës në krye me Ramush Haradinajn ka nisur mbledhjen me një minutë heshtje për vrasjen e Oliver Ivanoviqit dhe vdekjen e veprimtarit Jonuz Musliut.
Kush ishte Oliver Ivanoviqi sipas dosjes së NATO-s
Bazuar në dokumentin sekret (konfidencial) të NATO’s (12.11.2001), Oliver Ivanoviq 1953 – 2018 (ekonomist me profesion dhe karatist me hobi), cilësohet, gjithashtu, si një prej figurave kyçe të serbëve në veri të Kosovës. Në dokument sipërfaqësohen disa veprime të Oliver Ivanoviqit, të kryera para dhe gjatë luftës në Kosovë.
Ai, (para luftës) si anëtar i SPS’it të Millosheviqit, është shquar në fushatën për largimin e shqiptarëve nga puna, në Mitrovicë, dhe për diferencimin e tyre nga të gjitha organizatat sportive, në krye të cilave kishte ardhur me direktiva të pushtetit në Beograd dhe ishte mandatuar me këtë mision.
Për një kohë të shkurtër, Oliver Ivanoviqi e kishte spastruar Mitrovicën nga shqiptarët me përgjegjësi, në organizatat punuese dhe në ato sportive, në fillim të viteve ‘90.
Ndërkaq në fund të viteve ’90, Oliver Ivanoviqi përmendet si pjesë e një grupi paramilitar serb, në shërbim të plotë të krimeve të bëra me strategji në Kosovë, nga regjimi i Millosheviqit.
Para luftës, sipas këtij dokumenti, Oliver Ivanoviq, në palestrën sportive të Mitrovicës iu kishte shpërndarë armë serbëve, kurse kishte bërë plane për shfarosjen e shqiptarëve në lokalin “Kafana”, në Zveçan. Bashkë me një vëlla të tij, ai kishte hartuar një listë për likuidimin e intelektualëve dhe civilëve të tjerë shqiptarë në veri të Kosovës.
Dokumenti konfidencial i NATO-s e bën atë përgjegjës edhe për vrasjen e 26 shqiptarëve, gjatë kohës së luftës, në veri të Kosovës.
Nën ‘llupën’ e NATO-s zbardhet edhe një cilësi tjetër e karakterit të Oliver Ivanoviqit, ajo e profiterit. I gjetur ngushtë nga rezistenca e madhe e Milan Ivanoviqit brenda të të ashtuquajturit Këshilli Nacional Serb i Veriut, Oliver Ivanoviqi ndërron kartën e politikës, bëhet më liberal.
Bashkë me Rada Trajkoviqin dhe disa të tjerë ai vendos të bëhet pjesë e institucioneve të Kosovës. Insiston që serbët të marrin pjesë në zgjedhjet e 17 nëntorit 2001, dhe ai bëhet deputet i Parlamentit të Kosovës (nën administrimin e UNMIK’ut), me kuotën e rezervuar për pakicat.
Për dallim prej Milan Ivanoviqit, që luante me kartën radikale, Oliver Ivanoviqi, filloi të luaj me kartën liberale. Por, qëllimi ishte i njëjtë: menaxhimi i milionave. Në kaosin e krijuar në veri të vendit, Oliveri i menaxhonte milionat e projekteve për pakicën serbe, (në emër të kthimit të serbëve të zhvendosur) që vinin nga bashkësia ndërkombëtare.
Dhe pa dyshim se, kjo u arrit vetëm përmes partneritetit të krijuar me KFOR’in dhe UNMIK’un, që ishin përgjegjës për administrimin civil dhe të sigurisë në Kosovë.
_____________________
Nga arkivi, më 23 janar 2018
KUSH ISHTE OLIVER IVANOVIҪI SIPAS DOSJES SEKRETE TË NATO-s?!
https://m.facebook.com/story.php?story_fbid=10211117363546377&id=1125324528
————
Kush e vrau Oliver Ivanoviqin?!
https://video.gjirafa.com/indoks-kush-e-vrau-oliverin
________________________
Çmendia policore e qeverisë!
QEVERIA NXJERR NË RRUGË NJËSINË SPECIALE PËR TË ZBATUAR ORËN POLICORE!
