Pashtriku.org. 24. 01. 20145 – Aktivistët e Aleancës Kuqezi sot kanë bllokuar me barrikada urën e Dragotit që çon në drejtim të Manastirit të Këlcyrës, aty ku neo-nazistët grekë kanë paralajmëruar mbajtjen e festimeve për 28 tetor, i cili konsiderohet si dita e çlirimit të Greqisë. Deputetë të organizatës shoviniste ‘Agimi i Artë’ tok me mbështetësit e tyre kanë pritet të bëjnë vizita në varrezat e këtij manastiri, ku pretendohet se paska ushtarë grekë të rënë gjatë Luftës së Dytë Botërore. Kuqezinjtë gjatë aksionit të tyre kanë vendosur një flamur gjigant në faqen e një kodre në afërsi të Manastirit të Këlcyrës. Ata kanë kërkuar nga Qeveria që të mos lejojë hyrjen e neo-nazistëve grekë në territorin e Shqipërisë. Në të kundërtën, Aleanca Kuqezi ka tërhequr vërejtjen se nëse shteti nuk ndërmerr asgjë, atëherë vetë aktivistët kuqezinj do të ndalojnë hyrjen e provokatorëve grekë.
