MEHMET BISLIMI: 2 NËNTORI

Zvicër, 2 nëntor 2017:

 

 

 

 

2 NËNTORI
bacë Osmani,
nesër është 2 nëntori …
a thua do të trokas dikush
në derën e vjetër prej druri
aty pranë tek dera
tek oborri
tek trualli

 

po
ka dhe s’ka mundësi
tani në breg të diellit
bëhet fushatë
hahet mish i pjekur
dikush edhe e ha
bukën thatë
dikush pi raki
dikush bënë tregti
dikush lypës
dikush zotëri
dikush servil
dikush hafi

 

në breg të diellit
ku dielli ngrohtësinë fali
ranë
bijtë e kësaj toke
ranë
Afrim e Fahri djali

 

… mos qoftë e thënë
të kenë harruar ata këtë ditë
ata
që dikur bukën e ngrohtë
nga duartë e nënë Qamilës
kanë ngrënë!
ata që me bacë Osmanin dikur
netët kanë zbardhë
jo
edhe nëse është kështu
nuk dua të besoj
jo
nuk dua që sonte gjumin
me ndrojtje ta bëj
sonte jam me ty bacë Osmani
atje tek shelgu në oborr
ulur e ndeze një cigare
dhe
me hijen time fol
se dheu për të gjallë na treti
kaq të shkapërderdhur
ky 2 nëntor
të shkapërderdhur
na gjeti
mos qajë për ata që ranë
qajë për ne
që jemi e nuk jemi gjallë!

Nëntor, 2017
Mehmet Bislimi

Total
0
Shares
Lini një Përgjigje

Adresa juaj email s’do të bëhet publike.

Postime të Lidhura