Pashtriku.org, 20 nëntor 2017: Libri i zgjedhur me poezi “Vizatim hënor me shkëlqim yjesh” i poetit Haxhi Shabani përurohet në Paniarin e Librit të në Tiranë,që konsiderohet veprimtaria më e madhe dhe më cilësore e këtij lloji ndër shqiptarët.
Botuar nga Enti i Teksteve dhe i Mjeteve Mësimore i Malit të Zi, përurohet libri i zgjedhur me poezi i autorit Haxhi Shabani, në Panairin e librit në Tiranë. Libri është një zgjedhje nga tërë krijmtaria e poetit Haxhi Shabani i cili deri më tash ka botuar 4 përmbledhje me poezi: tri në gjuhën shqipe dhe një në gjuhën malazeze. Ai është përfshirë në përzgjedhje e antologji të ndryshme në shqip dhe në gjuhë të ndryshme.
Redaktor i librit është poeti dhe studiuesi Dimitov Popoviq, kurse recenzentë janë poeti e studiuesi dr. Basri Çapriqi dhe MA Liridona Sinishtaj, e cila ka shkruar edhe parathënien e librit.
Autori i librit, Haxhi Shabani theksoi se përurimi i librit të tij në panairin e Tiranës është një nder për të sepse është panairi që është bërë jo vetëm më i njohuri ndër shqiptarët, por është bërë i njohur edhe në rajon. Ai tha se letërsia shqipe krijohet edhe aktualisht në Ulqin, sepse aty janë rrënjët e para të shkrimit të shqipes. Poeti H. Shabani konkretizoi se krijimtaria e tij e konsideron të nevojshme të integrohet brenda letërsisë shqiptare, por edhe asaj që krijohet brenda Malit të Zi.
Në përurimin e librit “Vizatim hënor me shkëlqim yjesh”në Panairin e Tiranës, foli redaktori i librit Dimitrov Popoviq, i cili theksoi rëndësinë e botimit të këtij libri, duke e cilësuar poezinë e Haxhi Shabani të bukur. Ai tha se në këtë botim do të gjeni edhe mendimet për poezinë e Shabanit nga poeti i njohur Basri Çapriqi dhe studiuesja Liridona Sinishtaj.
Në këtë përurim morën pjesë një publik i gjerë si poetë, studiues e mësimdhënës nga Tirana, Podgorica, Tetova, Ulqini e Tuzi, si dhe nxënësit dhe mësimdhënësit e gjimnazit “Drita” nga Ulqini të cilët në mënyrë të veçantë kishin ardhur nga Ulqini në këtë veprimtari. Të gjithë pjesëmarrësve në përurim poeti Haxhi Shabani u dhuroi nga një libër nga krijimtaria e tij.
Postime të Lidhura
PASHTRIKU: DOLI NGA SHTYPI LIBRI I IBISH NEZIRIT ‘KËTU JAM PËR T’I LUFTUAR ARMIQTË’, KUSHTUAR DËSHMORIT TË KOMBIT XHEMAJL FETAHAJ
Pashtriku.org, 17. 05. 2013 – Doli nga shtypi libri monografik i Ibish Nezirit: “KËTU JAM PËR T’I LUFTUAR…
PËRPJEKJA E SHQIPTARËVE TË REKËS SË EPËRME PËR HAPJEN E SHKOLLAVE NË GJUHËN SHQIPE
PËRPJEKJA E SHQIPTARËVE TË REKËS SË EPËRME PËR HAPJEN E SHKOLLAVE NË GJUHËN SHQIPE Nga Prof.Dr.Avzi MUSTAFA, Shkup…
SOT TE ZGJIMI PËR DIJE ËSHTË SHPËTIMI
SOT TE ZGJIMI PËR DIJE ËSHTË SHPËTIMI Nga Sheradin Berisha, Facebook 13 nëntor 2022 “Ka krime më të…
GJEKË GJONAJ BOTON LIBRIN MË TË RI “BIJTË E SHQIPES”
Lezhë, 05. 10. 2015: Para pak ditësh nga edicioni i Botimeve ‘Fishta’ në Lezhë doli libri “Bijtë e…