RKL: RRITJA ENORME E NUMRIT TE VETERANËVE NË ‘ZOD’ DHE NË ‘ZOLL’

RKL, 7 mars 2020: Agjencia e Statistikave të Kosovës ka shpallur numrin aktual të veteranëve të luftës së UÇK-së, të cilët janë në listën e pagave në secilën komunë të Kosovës. Në janar të vitit 2019, sipas ASK-së kishte 38.232 veteranë, ndërsa ky numër është zvogëluar për 131 më pak deri në dhjetor, ku numërohen 38.101 veteranë të UÇK-së.
Deçani, Peja Gjakova, Prishtina dhe Besiana (nga dy Zona Operative të luftës së UÇK-së) përbëjnë më shumë se gjysmën e veteranëve. Deçani, njëra ndër komunat e vogla të Kosovës ka shpallur dhjetë herë më shumë veteranë se Shtimja dhe më shumë se krejt Drenica, më shumë se të gjitha qytetet e tjera në Kosovë, një nga një.
Besiana e Remit me Prishtinën, ka shpallur më shumë veteranë se krejt zona e Neredimës, Shalës e Karadakut.
Publikimi i listave të veteranëve nëpër komuna jep për të kuptuar se rritja enorme e numrit të veteranëve ndodhi në tri komuna të Zonës së Dukagjinit, (Deçan, Pejë, Gjakovë) të cilat arrijnë shifrën afër 12 mijë veteranë. Është tejet indikativ fakti se vetëm në komunën e Deçanit janë evidentuar më shumë se 4.000 veteranë aq sa ka krejt rajoni i Drenicës, edhe pse dihet mirëfilli se në asnjë rajon të Kosovës nuk ka pasur më shumë luftëtarët të UÇK-së, sesa në Drenicë.
Besiana e Prishtina, kryesisht Zona e Llapit, ka shpallur rreth 6.000 veteranë.
Gjysmën e numrit të veteranëve në Kosovë e përbëjnë dy Zona Operative, Dukagjini dhe Llapi. Po të ishte rritur numri i veteranëve në këtë proporcion edhe në pesë Zonat Operative, Kosova do të kishte hiq më pas se 100.000 veteranë.

Tani po shihet mirëfilli se jo të gjitha zonat e kanë rritur numrin e veteranëve, por këtë e kanë bërë dy zona, ajo e Dukagjinit, e cila e ka katërfishuar numrin, dhe Zona e Llapit e cila e ka tetëfishuar. Një rritje që bie në sy është evidentuar edhe në komunën e Skënderajt, por kjo Zonë ka pasur numrim më të madh të luftëtarëve të lirisë, si Zonë Operative,
Sipas evidencës së publikuar në medie duke u mbështetur në raportin e ASK-së, shihet fare qartë se janë vetëm dy Zona të luftës në Kosovë, të cilat e kanë manipuluar skajshëm numrin e veteranëve dhe përgjegjësia për këtë shkelje flagrante të vlerave të luftës dhe falsifikimit të numri të veteranëve nuk është e shtatë zonave, nuk është e shtatë komandantëve të Zonave sikur është krijuar bindja në opinion, por në radhë të parë e dy komandantëve të dy zonave, e Ramush Haradinajt në Zonën e Dukagjinit dhe Rrustem Mustafës në Zonën e Llapit, ku numri i veteranëve është dhjetëfishuar.
Kjo shkelje e vlerave të luftës, nuk është bërë nga shumica dërrmuese e zonave por vetëm e dy zonave dhe fajtorin nuk duhet kërkuar në Komisionin Qeveritar, por vetëm te dy veta dhe këta po shihet se kush janë.
Rritja e numri të veteranëve ka ndodhur në këto dy zona dhe në Shqipërinë e veriut, e cila i përkiste më shumë Zonës së Dukagjinit dhe të Pashtrikut.
Lypjani dhe Shtimja kanë evidentuar vetëm 1.100 veteranë, që do të thotë se këto dy komuna e kanë paraqitur numrin e saktë të veteranëve, ndoshta duke lënë anash një pjesë të madhe të pjesëtarëve të logjistikës dhe pjesëtarëve të Drejtorive të Administrimit Civil.
Zona me sipërfaqen e shtrirjes më të madhe territoriale në Kosovë dhe me numrin më të madh të luftëtarëve, sukur është Zona e Parshtrikut nuk vërehet ta ketë rritur numrin e veteranëve, përveç në ndonjë rast specifik.
Lista e publikuar e veteranëve nëpër komuna zbulon më së mirë se kush e ka manipuluar numrin dhe duke u bazuar në këto dëshmi duhet nisur hetimi serioz për manipulimin e dëmshëm shoqëror, moral e kombëtar të shpalljes së veteranëve pa qenë në luftë fare, pastaj edhe e dezertorëve, sidomos në Dukagjin kur në verë të vitit 1998 kishte dezertuar gati krejt zona nën komandën e Tahir Zemajt, i cili më vonë e kishte formuar Brigadën në mërgim, me emrin nostalgjik “Mërgimi” dhe kishte pritur të kryhet lufta për t u kthyer në Kosovë në krye të forcave të FARK-ut.
Sipas Agjencisë së Statistikave të Kosovës, numri i veteranëve ka rënë për 131 gjatë vitit 2019. Në janar të vitit 2019, sipas ASK-së kishte 38.232 veteranë, ndërsa ky numër është zvogëluar për 131 më pak deri në dhjetor, ku numërohen 38.101 veteranë të UÇK-së.
Sipas ASK-së, në Komunën e Deçanit ka 4082 veteranë, e cila mban edhe numrin më të madh të tyre, ndërsa me asnjë veteranë të regjistruar janë komunat; Mitrovica e Veriut, Zubin Potoku, Graçanica, Raniluga, Parteshi dhe Kllokoti.

Total
0
Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Unë pajtohem me këto kushte.

Postime të Lidhura