Oslo, 22. 06. 2015 – Nëse ka “Zyrtarë serbë të Kosovës”, atëherë pse nuk paska “Zyrtarë shqiptarë të Kosovës*? Gazetarët e ambasadave, Klan Kosova dhe RTK, shqiptarët e Kosovës i quan “kosovarë”, ndërsa serbët e Kosovës i quan “serb të Kosovës”. Pikërisht këtu egziston kundërthënja e madhe politike e shtetit te deformuar, e të lindur para kohe, e me të “meta fizike dhe psiqike”, shtetit të Kosovës.
Si kështu?
Kosova ka të “meta fizike”, sepse kufirin e ka të dhunuar dhe jo natyral.
Kosova ka të “meta psiqike”, sepse e ka shpirtin dhe trurin e pazhviluar: Nuk e ka identitetin. Nuk e ka festë zyrtare ditën e flamurit të vet. Kosova nuk e ka të garantuar referendumin popullor, elementi ky numer 1 në shtetet normale e demokratike.
Sëmundja e Kosovës
Andaj, edhe jorastësisht në politikën e Kosovës, kryesisht, kemi ministra, politikanë e deputet me diploma të kontrabanduara, hajna, manipulantë, e spiunë të ambasadave.
– Kosova “s’ka tru” të zhvilluar, përndryshe nuk do të kishte dëbuar mbi 130.000 shqiptarë nëpër rrugët e pista të BE-së.
– Kosova “ka të meta psiqike”, përndryshe, kjo nuk do kishte lejuar që Serbia të diktoj politikat e saja në shtet të Kosovës.
– Kosova nuk është “taman n’kry”, sepse, përndryshe do të kishte media të lira dhe jo media që kontrollojnë lajmin dhe përcaktojnë temat ditore sipas interesave të ambasadave, partive politike dhe biznismenëve. (Sqarim: tanimë gazetarët e unmikut “hajnat e dallavergjitë” po i quan “biznismen”!)
– Kosova është “psikopate”, përndryshe nuk do të kishte burgosur e rrahurr demonstruesit që kundërshtonin depërtimin e mallërave serbe në Kosovë.
– Kosova ka “të meta mentale”, përndryshe kjo nuk do të kishte rrahur e thyer eshtrat e veteranëve të luftës çlirimtare, UҪK’së.
– Kosova është “me nerva të sëmuara”, përndryshe politikat e saja nuk do të kishte lejuar që ministrat serb e shqiptarë të ofendojnë “Nënën shqiptare”.
– Kosova ka “vetëdije të shekullit XIX”, përndryshe kjo nuk do të lejonte të manipulohej me “fjali/deklarata të Brukselit dhe të ambsadave”
– Kosova është e “hallakatme”, përndryshe nuk do të quhej “multi-etnike”, në vend se të quhej “multi-kulturore”.
– Kosova është “manjake”, përndryshe nuk do të kishte ndarë heronjët e Shqipërisë në “heronjë kosovarë” dhe “heronjë Shqiptarë”.
– Kosova “s’ka tru”, përndryshe do të kishte Akademi shkencore e jo Akademi partiake!
– Kosova është “e sëmurë”, përndryshe kjo do të siguronte mjekimin, për të paktën, fëmijët e vet të sëmurë nga kanceri, nënat e sëmura me fëmijë, pleqët e pafuqishëm dhe të pashpresë.
Kjo është Kosova e Ibrahim Rugovës, Hashim Thaçit dhe Isa Mustafës.
(Gezim Mekuli: [email protected])
