Prishtinë, 27 korrik 2018:
Baca Adem,
Tani që ike, kuptova se të gjithëve u paske shërbyer si inspirim e si model sjelljeje, megjithëse shumë pak prej tyre të ngjasojnë sadopak me virtyte, vlera, bindje e sjellje.
E unë që s’jam si ata, në shenjë përshëndetjeje për ty me rastin e ikjes tënde në botën tjetër, vetëm mund të të kërkoj falje e mirëkuptim që nuk të kam model të cilin unë e ndjekë, jo se unë nuk do të doja, por sepse ti je i pandjekshëm për njerëzit e rëndomtë e egoistë si unë.
Do të doja që të kisha këmbëngulësinë tënde për të kundërshtuar e refuzuar padrejtësitë dhe për të luftuar për të drejtat e njeriut e për të drejtat kombëtare, por ja që nuk e kam.
Do të doja që të kisha forcën tënde morale për të sakrifikuar gjithçka nga vetja për të mirën e përgjithshme, por ja që nuk e kam.
Do të doja që të kisha lakoninë e sinqeritetin tënd për t’i thënë gjërat qartë e çiltër, por ja që nuk i kam.
Do të doja që të kisha shpirtmadhësinë tënde për të mos urryer e për t’i falur edhe ata që të shkatërrojnë jetën, por ja që nuk e kam.
Megjithatë, një gjë mendoj se mund ta bëj. Ta luftoj tendencën e të tjerëve që dëshirojnë të të shndërrojnë në mit. Duke të të bërë mit, duan ta shfajësojnë veten pse nuk janë sadopak si ti dhe duan t’i largojnë gjeneratat e ardhshme nga modeli yt. Sepse miti është mit, është i ekzagjeruar, është mbinjerëzor, është i paarritshëm. Prandaj, ti na duhesh, ne e të ardhmëve, si njeri për ta ndjekur si model, jo si mit i paarritshëm.
E fatbardhësisht për ne, ti ishe njeri, sigurisht i rrallë, patjetër madhështor!
Mirupafshim në “botën kuantike” njeri i mirë!
Postime të Lidhura
Skënder Sadri KAPITI: Mbi Librin ‘Gjenocidi serbo-malazez dhe pushtimi i trojeve shqiptare 1800-1999’ të autorit Rrustem R. Berisha
Durrës, 14 shkurt 2020: Libri ”Gjenocidi serbo-malazez dhe pushtimi i trojeve shqiptare 1800-1999” i autorit Rrustem R. Berisha…
BESIM M.ZYMBERI: 34 VJET NGA DEMONSTRATAT E PRANVERËS SHQIPTARE TË VITIT 1981
Ferizaj, 11. 03. 2015 – Në komentin në “New York Times”, me titull “NJË FURTUNË KALOI, TË TJERA…
SADRI RAMABAJA: KATARSISI POLITIK I MUNGUAR
(Prishtinë, 22. 05. 2012) – Deklarata e një të riu serb i angazhuar për ndryshimin e Serbisë sot,…
“KONTABILISTI“ I ALBIN KURTIT DHE NENAD RASHIQIT!
“KONTABILISTI“ I ALBIN KURTIT DHE NENAD RASHIQIT! Nga Behxhet Sh. SHALA – BAJGORA Albik Kurti po e përkrahë…