E VËRTETA ËSHTË DËSHMIA E KOHËS!
“E vërteta ekziston, ndërsa gënjeshtra duhet shpikur”. Georges Braque (1882 -1963),
Nga Sheradin Berisha, facebook 23 mars 2020
Këto ditë në rrjetet sociale, analistë të shumtë dhe militantët e të gjitha partive politike, në mënyrë emocionale kanë shtuar fyerjet dhe akuzat në adresë të njëri – tjetrit!
Dhe, ky komunikim kryesisht i pa argumentuar, ka krijuar një ndasi ekstreme deri në përçarje!
Gabim, shumë gabim!
Njeriu ka një mendim për ta thënë të vërtetën e tij, jo për ta shkarruar atë!
Me gënjeshtra nuk ndryshohet e vërteta, sepse siç thotë piktori i shquar francez, Georges Braque (1882 -1963), “e vërteta ekziston ndërsa gënjeshtra duhet shpikur”!
Me keto diskutime të stërkequra publike ne rrezikojmë që Kosovën ta shndërrojmë në një vend të gënjeshtrave, ndërkohë që e vërteta mund të duket si sëmundje e një shtrese të caktuar, e cila nuk pajtohet me gënjeshtrën publike, të instaluar në shoqëri e në institucionet e shtetit!
Diku e kam lexuar thënien: “Nuk është faj i madh të mos dish të vërtetën, por është faj i madh ta përbuzësh pasi ta kesh mësuar atë”!
Në këtë kuptim, rrjedhimisht mund të themi se, e vërteta është dëshmia e kohës, ndërsa gënjeshtra shëmtia e saj.
Ta themi të vërtetën pa hezitm, por pa akuzim deri në dëshprim! Për më tepër, të përpiqemi ta themi të vërtetën, e të behemi më shumë argumentues, e më pak gënjyes!
Prandaj me këtë rast i ftojë të gjithë miqtë e mij, të cilet janë anëtarë të partive politike dhe jo vetëm, të përmbahen nga sharjet dhe akuzat e pabazuar dhe t’i kthehen debatit të vërtetë e konstruktiv!
Shëndet e gëzime familjarisht, në këto ditë të rënda nëpër të cilat po kalojmë, e që duhet me durim t’i përballojmë!
_________
Nga arkivi
E VËRTETA ËSHTË DËSHMIA E KOHËS!
https://m.facebook.com/story.php?story_fbid=10216240622104639&id=1125324528
