HAZIR MEHMETI: NË AUSTRI FILLOI VITI I RI SHKOLLOR DHE U MBAJT PËRVJETORI I 18’të I VDEKJES SË NËNËS TEREZE

Vjenë, 09. 09. 2015: Vijueshmëria në mësimin e gjuhës shqipe nën çdo nivel krahasuar me kushtet e ofruara. …vetëm rreth 19 % (2,5 mijë) nga numri prej 13 mijë nxënësish. Aktiviteti i shoqatave e veprimtarëve i domosdoshëm.
Në tri Lande / Vjenë, Niederrösterreich, Burgenland) nga nëntë që ka Austria filloi mësimi, ku si pjesë e tij është edhe mësimi i gjuhës shqipe në mesin e 24 gjuhëve amtare. Në Landet tjera mësimi pritet të fillon javën e ardhme. Nisur nga kushtet shumë favorizuese që ofron Ministria e Mësimit të Austrisë për gjuhët amtare, vijueshmëria e nxënësve shqiptarë është e ulët, vetëm diku rreth 19 % (2,5 mijë) nga numri prej 13 mijë nxënësish. Pas gjuhës BKS dhe turke gjuha shqipe është e treta për nga numri i nxënësve të regjistruar sipas gjuhës amtare.

Edhe këtë vit me nxënës do punojnë 23 mësues/e në gjithë Austrinë. Gati në të gjitha Landet organizohet mësimi i gjuhës amtare, atje ku prindërit organizohen dhe japin pëlqimin e tyre për vijueshmëri. Prindërit informata mund të marrin nga organet e shkollës, shoqatave shqiptare, Shoqatës së Mësuesve Shqiptarë “Naim Frashëri” në Austri, faqeve të internetit dhe direkt në Ambasadat tona. Mësuesit janë gjithmonë të gatshëm për komunikim në dhënien e ndihmës informative fillestare.
Ministria e Mësimit të Austrisë kujdesët për vaisjen falas me tekstet e nevojshme shkollore duke i shpërdorë tekstet e reja, 19 tekste për të gjitha klasat, Fibel A-B-C- Abetare e botuar për nxënësit shqiptarë krahas abetareve në turqisht dhe kroatisht, fjalorët e ilustruar gjermanisht-shqip dhe literaturë tjetër. Në faqen e internetit, po ashtu, mund të nxirren materiale të ndryshme mësimore të cilat botohen sipas kritereve dhe standardeve të përcaktuara bashkëkohore: http://www.schule-mehrsprachig.at/index.php?id=67. Mundësia e furnizimit me tekste mësimore asnjëherë nuk ka qenë më i begatë, kështu që mësuesit i mbetët të jetë aktiv dhe ta shpërndajë librin tek nxënësit e tij. Ata prindër që janë larg qyteteve dhe fëmijët e tyre nuk mund të vijojnë mësimet në shqip mund të nxjerrin materiale nga interneti dhe pranë MASHT së Kosovës, tekstet për tri nivelet e nxënësve në diasporë.
Afati i formimit të grupeve mësimore është fillimi i shtatorit, andaj prindërit e interesuar duhet të jenë aktiv deri në hapjen klasave. Nga disa shkolla mund të bashkohen nxënësit në njërën nga shkollat e afërta. Pas kontakteve dhe proceduarave me prindër drejtoria në bashkëpunim me inspektorin merr vendim rreth orëve, mësuesit etj.
Në informimin e prindërve do duhej një angazhim i shtuar nga të gjithë faktorët. Veçanërisht Ministria e Diasporës duhet ta shton aktivitetin e saj sipas strategjisë parësore të deklaruar që në fillimin e saj. Nuk mjaftojnë paraqitjet sipërfaqësore në shtyp, por kërkohet konkretisht kontaktet me mërgimtarët në teren. Mjetet e informimit publik, veçan RTK dhe TVSh, do duhej t’i kushtojnë vëmendje më shumë mësimit shqip, aktiviteteve të shkollës e mësuesve në diasporë. Tani kur është koha e formimit të grupeve mësimore në gjuhën shqipe në Austri, do ishte një ndihmë e madhe për ta shtuar vijueshmërinë e nxënësve. Përndryshe, asimilimi troket më shpejtë e fuqishëm në gjeneratën e re çka nuk e dëshirojmë.

===================================================

Misioni Katolik Shqiptar në Austri (MKSHA)
Meshë në përvjetorin e 18-të të vdekjes së Nënës Tereze

Pesë shtatori është dita e vdekjes së nobelistes dhe të bekuarës nga selia e shenjtë, Nënë Tereza. Ajo ishte dhe mbeti simbol i humanistës, simbol i dashurisë mes njerëzve pa dallim kombi, feje e race. Gjenin e saj shqiptar e shpalosi në jetën e saj me pavdeksi shekujve në krenarinë tonë njerëzore e kombëtare. “Dashuria do ta shpeton botën“ – veproj e porositi ajo duke e mbllur dashurinë kudo në botë.
Mesha me rastin e 18 vjetorit të vdekjes së saj u drejtua nga Don Nikson Shabani, meshtar shqiptar dhe udhëheqës i MKSHA. Moren pjesë dhe z.Spirao Koçi, ambasadori në Organizatat e e OKB-së në Austri, Dedë Prenga nga Ambasada e Shqipërisë. z.Imer Lladrovci, konsull në Ambasadën e Repulikës së Kosovës, aktivist e veprimtar nga radhët e mërgimtatërve tanë.
“Në mbarë botën Kisha në liturgjinë e vet e festoi dje përvjetorin e vdekjes së Nënës Tereze (5 shtator), kurse ne e festojmë edhe sot. Shembulli i saj i shenjtërisë është edhe sot një udhërrëfyes se si duhet vepruar me dashur për të mirën tonë. Prandaj, figura e Nënë Terezës është ndër më të mëdhajat e dymijëvjetorit të krishterizmit si bijë e popullit tonë. Ne nuk duhet vetëm të mburremi me figurën e saj por ne duhet ta marrim edhe si shembull i jetës sonë“- shtoi mes tjerash në meshën e tij z.Don Nikson Shabani. Ai nuk harroi t’i përkujtoj të pranishmit për rëndësinë e ruajtjes së gjuhës shqipe tek fëmijët tanë duke i porosituar ata që t’i regjistrojnë ata në mësimin e gjuhës shqipe.
Familjaret kishin përgatitur për të pranishmit ushqime tradicionale nga kuzhina shqiptare.
Misoni Katoli Shqiptar vepron që nga viti 1994 me seli në Kishen Rudolfsheim “Pfarre Rudolfsheim“ në Bashkinë e 15-të ku janë të koncentruara shumë familje shqiptare të besimit katolik. Shërbimet fetare mbahen rregullisht në gjuhën shqipe, ipen informata nga jeta e përditëshme dhe shënohen përvjetorët me rëndësi kombëtare dhe të figurave madhore kombëtare shqiptare.

Total
0
Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Postime të Lidhura
Read More

AROMЁ TRЁNDAFILASH

Aromë trëndafilash (Kushtuar fëmijëve shqiptarë në mërgim.) Aromë trëndafilash,e ëmbël si mjalti, freski shpirti,e thellë si deti, e…