Pashtriku.org, 14 shtator 2018: Nga libri “enciklopedik” i Jusuf Buxhovit (në vazhdim akronimi JB), i quajtur “Kosova” (vëllimi 5), portali “botapress”1 ka publikuar një fragment të gjatë, për t’i bërë reklamë librit, por edhe për vazhduar me manipulim të atyre që dëshirojnë të manipulohen. Për ata që nuk kanë informacion konkret, po ofroj një CV telegrafike:
JB me profesion kryesor ishte gazetar, por ka shkruar shumë libra, të gjinive të ndryshme, deri edhe libreto për baletin “Halili dhe Hajria”. Është lindur në Pejë, në vitin 1946. Profesionalisht (me pagesë të rregullt), ishte i angazhuar në gazetën “Rilindja”, e cila ishte organ, fillimisht i Frontit Popullor të Kosovës (1945), pastaj i Lidhjes Socialiste të Popullit Punues të Kosovës. Aty e ka filluar punën në vitin 1967, për t’u atashuar pastaj si korrespodent në Gjermani, deri kur “Rilindja” nuk doli mö (mbi tre dekada). Por, JB duhet të ketë qenë edhe ekzekutues i urdhrit për themelim të Lidhjes Demokratike të Kosovës (LDK), më 23 dhjetor 1989. Ai e përzgjodhi Ibrahim Rugovën (IR) për kryetar të saj, i cili e komandoi LDK-në deri në vdekje (2006). Edhe pse ka studiuar gjuhën dhe letërsinë shqipe në Prishtinë (1968), ai ka bërë magjistraturë në histori, po në Prishtinë (1979) dhe është marrë edhe me studime historike, në dukje si hobi, por ka rezultuar si veprimtari tepër voluminoze. Në Gjermani kam pasur njohje me JB, qysh nga viti 1978, kur po ndodhte themelimi i Klubit Shqiptar në Dyseldorf; marrëdhëniet i kishim të natyrës diplomatike, siç thuhet për rastet kur nuk e ke as mik as koleg, por që komunikon dhe përplasesh herë pas here, në kuadër të taktizimeve të ndërsjella…
***
Fragmenti që ka publikuar “Botapress” mban titullin “Ushtria Çlirimtare e Kosovës dhe FARK-u”. Nuk jam informuar nëse është titull i autorit JB, ose e ka vënë portali.
***
(Shkrimi i J.Buxhovit në botapress është shlyer !!! – sh.b)
http://botapress.info/jusuf-buxhovi-ushtria-clirimtare-e-kosoves-dhe-farku/#_ftnref19
***
Lexoni studimin në formatin elektronik PDF:
IBRAHIM KELMENDI: JUSUF BUXHOVI – HISTORIAN APO PROPAGANDIST SUBJEKTIV?!
https://pashtriku.org/ngarkimet/dokumentet/Ibrahim%20kelmendi%20gjithologu-Jusuf-Buxhovi-UCK-dhe-FARK.pdf
