Pashtriku.org, 27 korrik 2018: Shkrimtari Ismail Kadare dhe bashkëshortja e tij, Helena, i kanë dërguar një letër ngushëllimi familjes Demaçi për humbjen e mikut të tyre të pazëvendësueshëm, Adem Demaçi.
“Të tronditur si rrallë herë në jetë, ju dergojmë ngushëllimet tona për humbjen e Ademit të shtrenjtë, mikut të pazëvendësueshëm, të domosdoshëm si rrallëkush për ne dhe për kombin”, – thuhet në ngushëllimin e çiftit Kadare, për familjen Demaçi.
Adem Demaçi ka ndërruar jetë (më 26 korrik) në moshën 82 vjeçare, pas një sëmundje të rëndë nga e cila po vuante prej disa vitesh.
