SHKRIMI
e enjte, 21 shtator 2017

XHEVAT BISLIMI: ZJARRMIA (ETHET) PËR ZGJEDHJE E PUSHTET DHE MUNGESA E VULLNETIT PËR TA BËRË REPUBLIKËN

Prishtinë, 9 maj 2017: Zjarrmia për zgjedhje të parakohëshme dhe për pushtet tashmë ka prekur edhe partitë e (anti)koalicionit qeverisës, sidomos PDK-në e Kadri Veselit. Kjo zjarrmi për zgjedhje të parakohëshme dhe për pushtet është më e natyrshme te partitë politike opozitare. Atyre u shkonë më shumë për fytyre. Thellimi dhe zgjerimi i krizëz së koalicionit qeverisës është pasojë e dështimeve të njëpasnjëshme të qeverisë së tyre. Mbajtja në këmbë e këtij koalicioni tashmë po duket e pamundur. Dëshira e PDK-se (kreut të saj) për ta prishur koalicionin dhe për të shkuar në zgjedhje të përgjithshme të parakohëshme ose të jashtëzakonshme ka marrë formë dhe përmbajtje të plotë. Kryetari i PDK-së ka ambicie që të bëhet kryeministër. Sa më parë që të bëhen zgjedhjet, beson ai dhe ekipi i tij, PDK-ja do të ketë rezultate më të mira. Çdo ditë e humbur është në dëm të PDK-së. Ndërsa LDK-ja e Isa Mustafës është e interesuar që kjo qeveri të qeverisë deri në përfundim të mandatit, sepse është e vetëdijshme që, nëse mbahen zgjedhjet tash, do të ketë rezultate të këqija. Deri diku secila parti politike është e përfshirë dhe po udhëhiqet nga dëshira për pak ose për më shumë pushtet, ndërsa nuk po shprehin vullnetin, përkushtimin dhe angazhimin e duhur për ta bërë Republikën, për ta ndërtuar shtetin që do të garantonte minimumin e barazizë dhe sigurisë, ekonomike, sociale, shëndetësore…

A mund të kemi institucione shtetërore të besueshme dhe të suksesshme me këtë sistem zgjedhor?

Nuk mund të kemi, mendoj unë. Sistemi aktual zgjedhor (sidomos për zgjedhjet e përgjithshme) ka prodhuar dhe do të prodhojë rezultate dhe institucione të pabesueshme dhe të kontestueshme. Për këtë nuk janë fajtorë komisionerët, KKZ-të apo KQZ-ja, por sistemi. Sitem të këtillë zgjedhor, i cili i mundëson qytetarit që t’i ketë pesë vota (më parë dhjetë) ka vetëm Bosnja dhe Hercegovina! Asnjë vend tjetër në botë nuk e ka një sistem të këtillë zgjedhor! Apo jemi shtet suis generis, shtet ala boshnjakçe?! Ky sistem zgjedhor u mundëson shefave të partive dhe grupeve të tyre që ta kontrollojnë dhe manipulojnë tërësisht votën e kandidatëve të tyre për deputetë… Prandaj, asnjëra nga partitë politike, qofshin në pozitë apo opozitë, nuk kërkoi dhe nuk po kërkon të ndryshohet sistemi zgjedhor për zgjedhjet e përgjithshme. Nuk po kërkojnë sepse, po të kishim sistemin një qytetar një vote, shefat e partive nuk do të mund të manipulonin me votatë dhe t’i nxirrnin deputet vetëm të “preferuarit” ose të dëgjueshmit e tyre. Keni vënë re që edhe shoqëria civile,, që bënte shumë zhurmë për listatë e mbyllura, por edhe mediet nuk e ngrisin dhe nuk e trajtojnë këtë TEMË të rëndësisë së veçantë për zgjedhje dhe institucione të besueshme dhe të fuqishme e kompetente në punën e tyre. Duket që ka një “marrëveshje” të pashkruar midis partive politike (shefave të tyre) dhe shoqërisë civile e medieve që në të shumtën e rasteve janë aleate të politikës (partive politike)! “Kush jep paranë, thoshte Nasradini, le t’i luan gishtatë”.



Për vete e quaj fatkeqësi për vendin tonë mungesën e vullnetit për ta ndryshuar-korrektuar sistemin e sotëm zgjedhor. Fatkeqësi edhe më e madhe është mungesa e vullnetit dhe gatishmëria për t’u ulur krerët e partive politike dhe të institucioneve dhe për të rënë në ujdi (konsensus kombëtar) që të “pastrohen” listatë dhe politika nga kandidatët që janë të përfshirë në korrupcion e krim të orgaizuar dhe nga kandidatët me të kaluar kolaboracioniste (si rasti Isa Mustafa e plotë të tjerë…). Nuk mund të bëhet ky vend dhe kjo Republikë me politikanë, qeveritarë, deputetë e drejtuesë tjerë të jetës politike e publike që ishin ose janë pjesë e bashkëpunimit me pushtuesin dhe me armiqtë e vendit tone (me mercenarë), me njerëz të përfshirë në korrupcion, krim të organizuar, trafik, kontrabandë… Nuk bëhet! Nëse për të qenë pjesë e AKI-së duhet bërë verifikimi nga sektori i specializuar për këtë punë si nuk bëhet dhe pse të mos bëhet verifikimi i politikanëve dhe qeveritarëve që përcaktojnë fatet e vendit?!! Pse të mos largohen nga politika, nga institucionet dhe nga jeta publike (edhe nga mediet) ata që po e marrin vendin dhe popullin në qafë?!


kthehu

SHKRIMET E FUNDIT

FOTOLAJM

EPOPEJA E UҪK'së!

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

LOBI SHQIPTAR NË EUROPË!

DOKUMENTAR

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks