SHKRIMI
e mërkurë, 19 dhjetor 2018

VERA ISTREFAJ: CIKËL ME POEZI - SI GJETHE MBI DRI

Kukës, 25 nëntor 2018:


 


 


 


 


 


Cikël me poezi: Si gjethe mbi Dri


Më ke shtyrë gjethe në Dri

erë e marrë, gati stuhi,

por stuhia heshtazi

brenda shpirtit po më rri


 


Valë e Drinit shkumëzore

ikën tutje me tërbim,

e ka zënë, s’e lëshon dore

këtë copëz të shpirtit tim


 


Ere e marrë nëpër qytet

gjithëka shpejt po e përfshin,

ja një çast ndalet e pret

aty ku Drinat kanë pikëtakim




***




Më gënjen mendja e shkretë

se mendoj rashë në qetësi,

valëbashkuar Drini rrëshqet

grykës tutje me furi


 


E unë mbes flokëshpupurisur

nën këta blinj lakuriqësuar,

me një gjethe shpirtin nisur

valës së Drinit shkumëzuar.




***




Më vijnë metaforet rradhë-radhë

gjerdan më ndritin shpirtit, gushës

si dhëndërrin kur sheh për herën e parë

përjetoj drithërimën e nusës


 


Me afsh rendojnë vargjet

tek zbresin nëpër gjoks

e zemra nis e dridhet...oh mos!


 


Peshë fluore vargu shëtit në çdo qelizë

poezia ime mbetur “Monalizë”

çelin fjalët bukur, livadhe, jaseminë

keq jam ngatërruar me vargun, poezinë




***




Një pikë shiu ra mbi gjethe

njomi plagë në shpirtin tim,

nis të soset kjo ditë vjeshte

erë e dimrit po mbërrin


 


Nën qerpik pika e lotit

ndrin vështrimit mjegulluar,

i bën sfidë tekës së motit

ngjyrë e vjeshtës e praruar


 


Fëshfërijnë gjethet nën bli

si një valle e trishtuar,

pisha nusëron përbri

bleron shpresën e pashuar


 


Do të vijë pranvera tjetër

të tjera gjethe do të ketë ky bli,

plagë e shpirtit do të ketë mbetur


shenjëzuar, gjithsesi




***




Ku ikën dhe si?


 


Mos ma mbill terrin në sy


 


Mos e hidh farën e dhimbjes

vragave të shpirtit tim,

dhimbja shpejt mbin!




***




Gjethe e vetmuar

në degën e pemës,

dridhet frikësuar

prej stuhisë së brengës.


 


Vërshimi i dhimbjes

oh, stuhi e marrë,

gjethja zverdhëruar

s’mund t’i bëjë ballë


 


Merre udhën gjethe

rrënjëve të pemës,

bashkë me pranverën

jepi jetë së blertës


 


Vera Istrefaj, Nëntor 2018



KUSH ËSHTË VERA ISTREFAJ

Vera Istrefaj është lindur në Kukës më 1 nëntor 1975. Që në vegjëli ka botuar vjersha dhe skica në shtypin e kohës.

Në vitin 1991 është paraqitur në një Almanak të krijuesve me 76 poezi dhe me një skicë.

Që prej asaj kohe ka botuar herë pas here brenda dhe jashtë Shqipërisë në shumë media të shkruara. Ka qenë pjesëmarrëse në shumë konkurse letrare ku edhe është nderuar me çmime.

Ka botuar librat:

“Shiu i fundit”,

“Nënqeshja e ëmbël”,

“Në akuj digjem”,

“U jepem udhëve”,

“Qielli I shpirtit tim”,

“Vese shpirti” dhe

“Lirikat e Pikellimes”

Është juriste në profesion dhe është aktiviste e shoqërisë civile, avokate e të drejtave të njeriut me nje eksperiencë 20- vjeçare.

Është koordinatore e rrjetit “Barazi në vendimmarje” për Qarkun Kukës.

Në vitin 2009 është nderuar me “Mirënjohje për kontributin e dhënë në komunitet” dhe është përzgjedhur një ndër 10 personat më aktivë në rang kombëtar.

Është e martuar dhe është nënë e dy djemve. Punon e jeton në Kukës, ku është kryetare e “Lidhjes së Shkrimtareve dhe Artistëve të Shqiperise” - Dega Kukës.


kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Selver Mackaj 2

Selver Mackaj 1

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks