SHKRIMI
e hënë, 19 shkurt 2018

MR.SC.METUSH ZENUNI: HASHIM THAҪI DHE GJYKATA SPECIALE!

Zvicër, 12 tetor 2017: Fjalimi i Hashim Thaçit në një debat publik të datës 09 tetor 2017, ku u debatua për Gjykatën Speciale dhe ndikimin e saj në Kosovë, i habiti shumë kë që ndoshta ende nuk e ka njohur personalitetin e vërtetë të Presidentit me ish nofkën e luftës 'Gjarpëri'. Dihet se është bërë shumë zhurmë e janë shkruar shumë shkrime lidhur me krijimin dhe votimin e kësaj Gjykate anti shqiptare, prandaj do të mundohem që kësaj radhe të shkruaj vetëm për personalitetin e Hashim Thaçit, përgjegjësitë dhe prapaskenat që ky njeri i ka luajtur në kurriz të Kosovës, që nga viti 1998 e deri më sot, duke u fokusuar vetëm te Gjykata Speciale.

Hashim Thaçi siç dihet është i kapur nga agjenturat e huaja, dhe ai është i obliguar ti nënshtrohet kërkesave të tyre, kërkesa këto që janë kundër interesit kombëtar shqiptar e veçanërisht kundër zgjidhjes së çështjes së shqiptarëve nën ish-Jugosllavi. Është e çuditshme dhe shumë kontraverze se si Hashim Thaçi dhe partia që ai udhëhiqte (PDK), në njërën anë për opinionin e brendshëm trumbetojnë se janë trashëgimtar të UҪK-së, ndërsa në anën tjetër, po ata njerëz, po ajo parti, po ky Hashim, ushtruan dhunë në parlament për të votuar Gjykatën Speciale, e cila dihet mirëfilli se si qëllim kryesorë dhe të vetëm kishte dhe ka arrestimin dhe denimin e ushtarëve të UҪK-së, nën akuzën se gjoja paskan bërë krime mbi popullsinë civile gjatë luftës në Kosovë, Dhe dihet mirëfilli se kush ishte okupatori, kush ushtroi dhunë, kush vrau, preu, e kush dhunoi mijëra shqiptarë të pa fajshëm gjatë luftës në Kosovë.



Ҫka e shtyu Hashim Thaçin dhe PDK-në të votojnë me çdo kusht këtë Gjykatë antishqiptare, që burgos çlirimtarët pse kanë luftuar kundër armikut dhe tradhëtarëve të vendit? A thua Hashim Thaçit bashkësia ndërkombëtare, apo „miqtë e tij“ i kanë premtuar se ai nuk do të arrestohet dhe i trimëruar nga kjo, ai ka pranuar themelimin e kësaj gjykate, anipse në listat e arrestimit do të jenë edhe shumë bashkëluftëtarë dhe bashkë partiak të tij? Nëse Hashimit iu ka premtuar liria personale në këmbim të burgosjes së të tjerëve të pafajshëm dhe dëmit politik që i bëhet Kosovës, atëherë shtrohet pyetja, a duhet të arrestohet Hashim Thaçi para Gjykatës Speciale dhe kush duhet ta arrestojë? Dihet se Hashim Thaçi nuk duhet të gjykohet dhe të burgoset për akuzat e Dik Martit dhe Karla del Pontes, sepse e gjithë bota e dinë mirë se ato akuza janë të pa vërteta, të përgatitura politikisht nga struktura kriminale të bashkësisë ndërkombëtare, nga Serbia dhe Rusia, prandaj rrjedhimisht Hashim Thaçi as nuk duhet të gjykohet e as të burgoset për akuzat e të lartëpërmendurve nga Gjykata Speciale.

Mendimi im është që Hashim Thaçi duhet të gjykohet, të denohet dhe të burgoset për Tradhëti, për një tradhëti tjetër Shtetërore dhe Kombëtare, sepse siç e tha edhe ai vetë (shih fjalimin e tij të fundit në RTK, dt 09.10.2017, kur flet kundër Gjykates Speciale dhe kundër bashkësisë ndërkombëtare), ndër të tjera e pranon se: "....E kam udhëhequr një proces të dëmshëm për Kosovën...."! Pra, sipas asaj që ai e pranon, del sheshit se Hashim Thaçi me vetëdije ka punuar kundër shtetit të Kosovës, duke bërë pazare me tē huajt në dëm të Kosovës dhe të UÇK-së dhe siç thotë prapë ai (09.10.2017), me vetëdije e ka udhëhequr një proces të dëmshëm për shtetin e Kosovës, siç është formimi i Gjykatës speciale për të kënaqur interesat e Rusisë dhe Serbisë... !!!

Të punojë një Kryeministër i një shteti, tash President i Kosovës, në dëm të shtetit të vetë dhe në dëm të bashkëluftëtarëve të tij, me vetëdije të plotë, dhe duke u nxitur nga interesat krejt personale, kjo nuk është asgjë tjetër, përveq se TRADHËTI SHTETËRORE dhe KOMBËTARE si dhe tradhëti ndaj bashkëluftëtarëve të UÇK-së…!!! Në këtë aspekt them se, vetë Hashim Thaçi duhet të gjykohet dhe denohet, nga Gjykata e Lartë e Kosovës, e jo nga Gjykata Speciale e krijuar nga vet Thaçi dhe të huajt….!!!

Them Gjykatë e krijuar nga vet Thaçi, sepse pasi ai e ka nënshkruar këtë marrëveshje në bisedime me Serbinë dhe të huajt, me këmbëngulje ka kërkuar nga deputetët që të votohet në Parlament kjo Gjykatë Speciale, edhe pse ka qenë i vetëdijshëm se kjo marrëveshje është e dëmshme për Kosovën, madje edhe duke këmbëngulur, përkundër faktit që ka qenë i këshilluar nga miqtë e tij, si dhe e kundërshtuar fuqishëm nga Vetvendosje në Parlamentin e Kosovës dhe nga qytetarët të cilët demonstruan me ditë të tëra para Parlamentit dhe Qeverisë. Si rezultat i vendosmërisë së tij, i PDK-së dhe LDK-së, dhe i dhunës shtetërore, Hashim Thaçi më në fund ia ka arritur qēllimit që ta formojë Gjykatën Speciale, këtë Gjykatë ogurzeze për Kosovën dhe UÇK-në ...!

Në këtë kontekst, Gjykata e lartë e shtetit të Kosovës, duhet që të arrestojë jo vetëm Hashim Thaçin, por edhe të gjithë deputetët që e kanë votuar me vetëdije këtë gjykatë, e cila i ka sjellur dëm të pa riparueshëm Kosovës në arenën ndërkombëtare, e cila mund të provokojë edhe trazira brenda në Kosovë, prandaj për mendimin tim, të lartëpërmendurit e kanë tradhëtuar me qëllim përfitimi personal fillimisht luftën e drejtë të shqiptarëve për Liri (Luftën e UÇK-së), pastaj Shtetin dhe Kombin shqiptar, dhe si të tillë meritojnë të marrin dënimin kapital nga populli dhe drejtësia e Kosovës.

Këta matrapaz dhe tradhëtar të veshur me pushtet dhe besimin e popullit që i kanë votuar, i kanë konsideruar „shokët e tyre“ të luftës si Kurban, të cilët duhet të paguajnë çmimin e tradhëtisë së tyre me burg, pavarsisht se ata, kanë luftuar për Liri dhe se si të tillë jo vetëm që janë të pafajshëm, por janë edhe krenaria dhe vetë Liria e Kosovës!

***

Krejt në fund, duhet t'i përkujtohet Hashim Thaçit dhe gjithë atyre që e votuan dhe e përkrahën Gjykatën Speciale, e cila u krijua kundër luftës së drejtë të UÇK-së, se një fjalë popullore thotë: ,,Kujt t'ia bësh gropën, aty do të biesh vet“! ose ,,Çka të mbjellësh edhe do të korrësh“! Pra, Hashim Thaçi dhe PDK, ashtu siç e mbollën Gjykatën Speciale (gropën për shokët e tij), po e njejta gjykatë le ti burgos vetë ata (pra le të bien në të njejtën gropë, që e përgatitën për të tjerët),

E bajt me shnet...!

- Mr.sc. Metush Zenuni - historian, veprimtar i LPK-së, njëri nga themeluesit e UҪK-së dhe veteran i luftës çlirimtare. - 12 tetor 2017


kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

DOKUMENTAR

DR.MATHIEU AREF: 'PELLAZGËT DHE GREQIA E LASHTË'

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks