SHKRIMI
e premte, 26 maj 2017

BEQIR LECAJ (BEKIM LEKAJ): KOSOVA DHE BLLACA

Pashtriku.org. 2 maj 2017:


 


 


 


 


 


KOSOVA

Lumja unë e mjera,

ç'President bujar,

për pavarësinë time,

nuk dashka ushtarë.



E paska ngarkuar

Europën dhe Azinë,

Amerikë bëmirësen,

t'ma sjellin lirinë.



Lufta në Drenicë

qenka një turpësi,

montim i Serbisë

për rrëximin e tij.



Andaj UÇK-ja

me Adem dainë,

e paska shaluar

nga bishti atkinë.



O lumë Presidenti,

Shën Delill tamam,

s'dite të më duash,

djalë më s'të kam.



Vdiç kohë e fjalëve

or miop tutkun,

tashmë veç ushtria

mund të kryej punë.



Bëhu burrë i fortë,

pranoe dështimin,

sa s'ta ka kënduar,

historia tallkinin.



Sa më përket mua,

hiçu menjëherë,

kam në gjiun tim

plot Adema tjerë.



Edhe djem kalemi,

kokë kibernetikë,

ndeshen me armikun

me takt e pa frikë.

Të lutem, djalem,

mjaft, mos ha më,

tetë vjet llomotite,

n'dritë s'qite gjë.



Edhe UÇK-ja,

o kalorës pa pallë'

moti, pasha mua,

hakut të ka dalë.



Meq nuk pate sy,

vadje as dhe vesh,

impotencën tënde

tjetrit mos ia mvesh.



Lypi Zotit fat,

në tjetër lëmi,

se në politikë,

pësove tragjedi.



Pajtohu me fatin,

mos u bë i marrë,

mbase UÇK-ës,

do ti shkojë mbarë.



O statist i gjorë,

tashti lamtumirë,

hajde, mirëupafshim,

në mua të lirë.

Bekim Lekaj

Prill 1998 - Topliqan

***

BLLACA


Bllacë, birucë mini,

lëmëbalte njerëzish prej balte,

frymëmarrje epokash bronhebrishta,

zemërrrahje shekujsh valvulëndrydhta,

jehonëmadhe vitesh gojëmarrta,

symbyllje ditësh ylbermbrapshta,

arqitekturë intelektesh marramendëse,

Bllacë, birucë mini, baltë,

sofër balte mbushur me baltë,

baltë shtruar në sofër balte,

shportë bukë e mut përzier bashk,

kundërmim kufomash barkngjitur shpine,

mozaik syshë drejtuar një vrime qiell,

gurgullimë shurre plakash anzhdjrgura,

variete pordhëpleqësh prapanicëshkokërdhuar,

gravurë bythësh cullak grashë zorrëpezmatuar,

fytyrat all- prush me lot-turpi rrëke në faqe,

galeri penisash kacavjerrë burrash prostatëkallur,

kokat ulë-përtoke me ndjenjë burrimi në sy,

relief cicash shterpë nusesh fytyrëdyllta,

në buzët shkrum të foshnjeve ende pa pagëzuar,

koktel duhmesh shurre, djersë, shkule, muti,

gjaku lehonash, gjaku menzisesh,

pordhë, fenë, gojë dhëmbëpalarë,

spermë bolesh të hyra në bark prej frike,

Bllacë, prush i mbuluar me hi

akullnajë ndërgjegjesh kallur flakë

vlim fajësish ngrirë akull,

garniturë liderësh maskuar me baltë,

ordi intelektualësh me uniformë vetëshfajsimi,

rrjedhëlumi fëmijësh mbetur pa lodra,

grigje të rinjësh dashurihumbur,

larushi fytyrash deformuar tmerri,

Bllacë, vegim shpëtimi, baltë

shesh marrëzie ku të gjallët u lakmojnë të vdekurve,

altar mendie ku të vdekurit lutë për të gjallët,

vdekje e gjallë, jetë e vdekur,

hon i pakapshëm edhe për Zotin,

faunë njerëzish sjellë në stadin zoo,

natë e gjatë bizantine në pikë të ditës,

akt i kryer ardhacakësh nga Karpatet,

he "bukë, krypë e zemër"-a jonë i vraftë,

e dalshin fare një nga një,

Bllacë, kob, trishtim, baltë,

plagë e pasherushme e historisë njerëzore,

purgator ëndërrash krahthyer,

ferr shpresash për jetë ve shtazore,

parajs gjykimesh për shfarosjen arbërore,

Bllacë, natåe varri, baltë,

i vetmi shteg balte hijesh mitike,

mes jetës-baltë, e vdekjes-mjaltë,

llahtarisë së pritur e madhërisë së humbur,

pa prani engjujsh qiellorë,

Bllacë, durimi i fundit, baltë,

pelin i ëmbël mjaltë,

mjaltë e idhët pelin,

agoni synimesh paqësore,

humnerë idealesh pa arkivol, pa qefin,

Bllacë, katakomb, birucë mini, guacë,

Bllacë- Kosovë në miniaturë,

Kosovë-Bllacë, sa një guacë,

strehim i dyshimt injorance shqiptare,

krenari e humbur gjithëkombëtare,

kryevepër tragjike nëntoke,

rrebelim gjykimesh orthodokse,

fushëmejdan superfuqishë fronlëkundur,

marifet fatal blloqesh ushtarake,

gurëthemeli i përgjakur i Sistemit të Ri Botëror,

varri i fundit i vargvarreve të Arbërisë,

Bllacë, kurrëgjëja njerëzore,

e papërsëritshme mbe në faqet e historisë !?...

Bekim Lekaj

Maj 1999 Ånge - Suedi



kthehu

SHKRIMET E FUNDIT

FOTOLAJM

EPOPEJA E UҪK'së!

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

LOBI SHQIPTAR NË EUROPË!

DOKUMENTAR

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks